غمرة عالسريع ما بتنفع... مش حلوي السرعة

back

(What's up ?) 9 years ago

view gallery

بالإضافة إلى الأوضاع الأمنية في لبنان، يتعرض الشباب يومياً من خلال وسائل الإعلام ووسائل التواصل الإجتماعي على أخبار وصور عنيفة عن تصادمات على الطرقات. هذه الأمور جعلت معظم جيل الشباب الجديد غير مبالين للصور العنيفة.

من جهة أخرى، عيد الحب هو مناسبة للإحتفال وللحب. لذلك قامت جمعية "كُن هادي" بالتعاون مع شركة M&C Saatchi بالعمل على حملة نبرتها خفيفة ومسلّية بلغّة الشباب والصبايا لتوصل الرسالة لأكبر عدد من الشّباب والصبايا .

يقود عادة الشبّ سيارته بسرعة للتأثير ولجذب الصبايا، بينما ترى في ذلك معظم الصبايا أن هذا السلوك يدل على عدم النضوج والتهوّر وعدم المسؤولية.

في الحياة، الأمور أكثر جمالاً عند القيام بها بشكل سلس وبتروّي. وعلى سبيل المثال، في العلاقات الأمور أكثر جمالاً عند القيام بها ببطء وبتروّي وبسلاسة وعدم إستعجال الأمور.

بناءً عليه، ولإشراك عدد أكبر من جيل الشباب وإيصال الرسالة إلى عدد أكبر من المواطنين، قرّرت الجمعية تضمين الحملة النشاطات التالية:

- إجراء إستفتاء عبر وسائل التواصل الإجتماعي يثبت فكرة "السرعة تدل على عدم النضوج".

- إجراء مسابقة "لأطول غمرة" وذلك في المجمّعات التجارية ومناطق السهر يوم عيد العشّاق.

- عرض الحملة على لوحات إعلامية.

----------------------------------------------------------------------------------------------

كلمة رئيس جمعية "كُن هادي" السيد فادي جبران

افتتح المؤتمر الساعة الحادية عشرة والنصف بكلمة لرئيس جمعية "كُن هادي" السيد فادي جبران عرض فيها مقارنة لعدد تصادم الطرقات السنوية وفق لإحصاءات القوى الأمن الداخلي والتي تظهر بأن عدد الوفيات على طرقات انخفض بنسبة 8% ما بين عامي 2013 و2014 من 649 إلى 595 (وذلك بسبب التوعية من قبل القوى الأمنية والجمعيات الأهلية) بالتالي يكون عدد الضحايا على الطرقات في لبنان 14 ضحية لكل 100 ألف نسمة مقارنة مع 6 أو5 ضحايا لكل 100,000 نسمة في الدول النامية.

بالإضافة إلى ذلك، تشهد طرقات لبنان ما يزيد عن 14 ألف جريح سنوياً. إن هذا الوضع يكلّف الدولة ما يفوق الـ 2،2 مليار د.أ. سنوياً أي ما يمثل 5% من الناتج القومي الإجمالي.

ثم أضاف السيد جبران بأن أعلى غرامات في قانون السير الجديد موضوعة على أهم أسباب تصادم الطرقات الست والتي هي أهداف جمعية "كُن هادي":

1. عدم تجاوز السرعة القصوى

2. عدم القيادة تحت تأثير الكحول

3. وضع الخوذة لسائقي الدراجات النارية

4. عدم القيادة عند التعب

5. وضع حزام الأمان

6. عدم استعمال الخلوي عند القيادة

ان تطبيق قانون السير الجديد سوف يساهم في مشاركة لبنان في الخطّة التي وضعتها الأمم المتحدة في عقد العمل للسلامة على الطرقات من العام 2011 حتّى عام 2020 ويُلزِم الدول بتخفيض عدد ضحايا تصادم الطرقات بنسبة 50 بالمئة.

ثم قدم السيد فادي جبران سفيرة الجمعية السيدة إيناس أبو عيّاش لإطلاق الحملة.

- إجراء إستفتاء عبر وسائل التواصل الإجتماعي يثبت فكرة "السرعة تدل على عدم النضوج".

- إجراء مسابقة "لأطول غمرة" وذلك في المجمّعات التجارية ومناطق السهر يوم عيد العشّاق.

- عرض الحملة على لوحات إعلامية.

----------------------------------------------------------------------------------------------

كلمة سفيرة الجمعية السيدة إيناس أبو عيّاش:

قبل كل مناسبة بتحب كن هادي تطل ع اللبنانيين و تذكر باهمية السلامة المرورية و القيادة بمسؤولية تنخفف من احتمالات الحوادث بهيك مناسبات.

متل ما بتعرفوا بعد كم يوم منحتفل بعيد العشاق، وبلبنان هو من الأعياد المهمة، واغلب الشباب والصبايا بيحتفلوا بالعيد بال pubs بالملاهي، بفارايا، وبكتير مطارح غيرها. كن هادي يللي بتتمنى لكل العشاق ولكل يللي رح يحتفلوا بهالمناسبة إنّو يرجعوا ع بيوتن بسلامة، قررت تطلق حملة: غمرة ع السريع ما بتنفع، حَملة بلغة الشباب والصبايا تنوصل رسالتنا لأكبر عدد ممكن من الشّباب والصبايا .

كل ما كانت الغمرة أطول كل ما كانت احلى، و كل ما أخدنا وقتنا بالبوسة كل ما كانت احلى، ومتل البوسة والغمرة، المشوار ع الطريق، ولمّا ناخد وقتنا بالمشوار أكيد بكون أفضل وبيخلص بسلامة بالبيت ، مش بالمستشفى !

وبهالمناسبة كن هادي رح تطلق من اليوم ولنهار الأحد ١٥ الشهر، حملة أطول غمرة، يلي فيكم تصوروها، تبعتولنا ياها او تنشروها ع وسائل التواصل الاجتماعي، أطول غمرة بالغينس بوك 27 ساعة بس أنا أكيدة إنّو بلبنان قادرين نكسر هالرقم.

وهون بالاضافه إلى شوارع السهر (الجميزه ، الحمرا، بدارو، إلخ...) بدّي اشكر ال abc w el city mall يلي سمحولنا نستعمل المجمعات وتقديم الجوائز لأطول ٥ غمرات لتوصل رسالة إحترام السرعة القصوى.

وهون بدّي كمان وجّه تحية للاجهزة الأمنية وللدفاع المدني والصليب الأحمر اللبناني، يلّي بيسهروا معنا ع سلامة الطرقات وبيكونوا دائماً جاهزين وحاضرين.

بالاخير أنا من جديد بدّي اشكر حضور الاعلام الكريم وبدي أتمنى إنّو نعيّد عيد العشاق ع رواق ونرجع ع بيوتنا سالمين.

بهالليلة العشاق بيوعدو بعضهم يمضو كل العُمر سوا، سوقوا ع مهلكم تتكلموا هالعمر سوا.